«Дзеяньне зоны абмежаваньня палётаў у паветранай прасторы ўздоўж мяжы зь Беларусьсю прадоўжылі да 1 сьнежня», — паведаміла агенцтва BNS з спасылкай на вайсковых.
Абмежаваньне палётаў увялі 12 жніўня, за месяц да правядзеньня супольных расейска-беларускіх вайсковых вучэньняў «Захад-2025».
Тады ўвядзеньне абмежаваньняў абгрунтавалі сытуацыяй зь бясьпекай і пагрозамі для грамадзтва, а таксама рызыкамі, якія ўзьнікалі для цывільнай авіяцыі праз парушэньні паветранай прасторы бесьпілётнымі лятальнымі апаратамі, а таксама неабходнасьцю стварэньня ўмоў для выкананьня літоўскімі вайскоўцамі задач, вызначаных заканадаўствам, у мірны час у адказ на такія і падобныя парушэньні паветранай прасторы.
Першапачаткова гэтую меру ўводзілі да кастрычніка з агаворкай аб магчымасьці працягу забароны, калі пагроза ад бесьпілётных лятальных апаратаў, якія ўваходзяць у паветраную прастору Літвы, ня зьменшыцца.
ГЛЯДЗІЦЕ ТАКСАМА: Над Вільняй уначы заўважылі дрон, аэрапорт на паўгадзіны спыняў усе палётыЗа апошні час было сама меней два выпадкі залёту дронаў зь беларускай тэрыторыю ў Літву: 10 ліпеня заляцеў расейскі дрон «Гербера», які імітуе «Шахед», ён быў без выбухоўкі, і 28 ліпеня — таксама бесьпілётнік «Гербера» праляцеў над Вільняй і ўпаў на палігоне за сто кілямэтраў ад мяжы, меў 2 кг выбуховага зараду.
Пасьля апошняга інцыдэнту ў Літве ўзмацнілі ахову неба. Таксама былі абвешчаныя пляны ўмацаваць мяжу і набыць новыя сродкі для выяўленьня бесьпілётнікаў і барацьбы зь імі.
ГЛЯДЗІЦЕ ТАКСАМА: Літоўскае войска атрымала права хутчэй зьбіваць небясьпечныя дроны