Катаваньне холадам, знаёмства зь Севярынцам і што ня так з пратэстамі

Гісторыя былога палітвязьня Віталя Бандарука, які чатыры з паловай гады правёў у турмах Беларусі за тое, што вёў блог і апавядаў у відэа аб праблемах сваёй вёскі. Яму заставалася менш за тры месяцы да канца тэрміну, але 11 верасьня 2025 году яго вывезьлі з краіны. Ён расказвае пра нечалавечыя ўмовы, празь якія прайшоў. Шклоўская калёнія, дзе загінуў Вітольд Ашурак, ШЫЗА, дзе ўзімку падлога была настолькі халодная, што да яе прымярзалі ногі, і дзе кожны дзень быў катаваньнем. Голад, пастаянныя пакараньні за «не павітаўся» ці «павітаўся ня так», зьнявагі, зьдзекі і вымагальніцтва турэмнікаў.