Міжнародны паралімпійскі камітэт 27 верасьня прыняў рашэньне адмяніць частковую дыскваліфікацыю Беларусі і Расеі, уведзеную пасьля поўнамаштабнага ўварваньня Масквы ва Ўкраіну ў 2022 годзе.
Гэта рашэньне адкрывае магчымасьць для беларускіх і расейскіх спартоўцаў выступаць пад дзяржаўнымі сьцягамі на зімовых Паралімпійскіх гульнях у Міляне і Картына-д’Ампэцца ў наступным годзе.
Аднак у шасьці зімовых відах спорту рашэньне пра допуск краін да спаборніцтваў Паралімпіяды застаецца за міжнароднымі спартовымі фэдэрацыямі, якія пакуль пакуль не зьнялі забарону на ўдзел беларускіх і расейскіх атлетаў:
- біятлёне,
- гарналыжным,
- кёрлінгу на вазках,
- лыжных гонках,
- сноўбордзе,
- хакеі.
19 верасьня Міжнародны алімпійскі камітэт дазволіў удзел беларускіх і расейскіх спартоўцаў у зімовай Алімпіядзе пры ўмове, што яны будуць выступаць пад нэўтральным сьцягам і выконваць патрабаваньні нэўтралітэту.
ГЛЯДЗІЦЕ ТАКСАМА: Зборная Беларусі па футзале правядзе матчы на Эўра-2026 ў Славеніі. Літва і Латвія адмовіліся прымаць беларусаў ГЛЯДЗІЦЕ ТАКСАМА: Асобным беларускім спартоўцам дазволяць удзел у Алімпіядзе-2026 у Італіі ў нэўтральным статусе