У Беларускай чыгунцы паведамілі аб затрыманьні двух цягнікоў Смаленск — Завольша з адпраўленьнем з Смаленску а 8:34 і 17.15, і яшчэ двух Завольша — Смаленск з адпраўленьнем з станцыі Завольша а 11:17 і 20:04.
Затрыманьне цягнікоў адбылося праз аварыю на чыгуначным пераезьдзе Рудня — Галынкі ў Смаленскай вобласьці, дзе грузавы аўтамабіль сутыкнуўся зь цягніком, які перавозіў паліва.
Як паведамілі ў Міністэрстве надзвычайных сытуцыі Расеі, агонь ахапіў 6 вагонаў з гаручымі матэрыяламі. На месцы здарэньня працуюць больш за 40 спэцыялістаў і 10 адзінак тэхнікі.
Для ліквідацыі наступстваў аварыі Беларусь па просьбе Расейскай чыгункі накіравала на месца здарэньня пажарны аварыйна-выратавальны і аднаўленчы цягнікі.