Апазыцыя заяўляе, што адбылася маштабная фальсыфікацыя, а міжнародныя назіральнікі заявілі, што галасаваньне не адпавядала дэмакратычным стандартам. Лукашэнка ў сваім віншаваньні заявіў, што выбарчая кампанія «чарговы раз прадэманстравала перамогу ў Зымбабвэ народнай справядлівасьці».
Мнангагва, як за жорсткасьць атрымаў мянушку «Кракадзіл», — трэці прэзыдэнт Зымбабвэ. У 2017 годзе ён атрымаў уладу пасьля дзяржаўнага перавароту супраць Робэрта Мугабэ, які да таго быў ва ўладзе 37 гадоў.
Летась у Зымбабвэ адкрылі амбасаду Беларусі, а сёлета ў студзені Лукашэнка наведаў гэтую краіну.
Зымбабвэ ўваходзіць у групу краін, якія рэгулярна салідарызуюцца з афіцыйным Менскам на міжнародных пляцоўках. Адносіны з краінай курыруе былы кіраўнік спраў і даўні паплечнік Аляксандра Лукашэнкі Віктар Шэйман. Афіцыйна пра яго пасаду не паведамлялася, аднак СМІ называюць яго «адмысловым прадстаўніком» Лукашэнкі.
